Максім Багдановіч вядомы як паэт-наватар, празаік, перакладчык, літаратурны крытык, гісторык і тэарэтык літаратуры, публіцыст. Яго творчасць - гэта свет прыгажосці, гармоніі, асэнсавання жыцця. Максім Багдановіч – арыгінальны паэт з высокім ідэйна-мастацкім узроўнем твораў, іх жанравай і тэматычнай разнастайнасцю. Яго вершы поўныя шчырых і хвалюючых пачуццяў, адзначаныя тонкім псіхалагізмам, музычнасцю, эмацыянальнасцю. Спадчына выдатнага майстра стала каштоўным набыткам беларускай і сусветнай духоўнай культуры.

   Максім Багдановіч - недасяжная велічыня на небасхіле беларускай паэзіі. Паэт, чый трагічны лес абарваўся ў 25 гадоў, а творчасць прамільгнула яскравай зоркай на світанні нацыянальнага адраджэння.