Напэўна, вы чулі, што ёсць прадукты, якія ў лічаныя хвіліны дапамогуць адчуць прыліў сіл або, наадварот, расслабіцца?

    Калі вы хочаце адчуваць сябе ўпэўнена ў любой сітуацыі і пры гэтым яшчэ і цудоўна выглядаць, звярніце ўвагу на тое, што ляжыць на вашай талерцы.

Хуткая дапамога

   Напрыклад, вам неабходна тэрмінова сканцэнтраваць увагу і сабрацца для вырашэння якога-небудзь пытання. Работу нашай нервовай сістэмы выдатна стымулюе імбір. Дастаткова з’есці крыху імбіру, і вы зноў будзеце ў форме. Калі вы стаміліся, а наперадзе вас чакае сур’ёзная работа, успомніце аб арэхах. Няхай у вас ляжыць пакецік арахісу, міндалю ці фісташак. Каму што падабаецца . Яны вернуць вам працаздольнасць. Такім жа дзеяннем валодаюць і бананы. У іх шмат сератаніну – гармону задавальнення - і тыразіну, які адказвае за канцэнтрацыю ўвагі.

Менш тлушчу!

Памятайце аб такой важнай дэталі: ежа для розуму і добрага настрою не павінна быць тлустай. Невыпадкова пасля сытнага абеду нас так цягне задрамаць. Большасць тлушчаў у вашым рацыёне павінна быць з сямейства амега – 3. Яны стымулююць работу мозгу. Асабліва многа гэтых кіслот у рыбе.

Салодкае жыццё

         Каб хутчэў “варушыць” мазгамі , нам неабходна салодкае. Гэта, значыць, глюкоза. Выдатны сродак – невялікі кавалачак шакаладу ці некалькі штук шакладнага пячэння. Нават пах шакаладу актывізуе работу мозгу. Добра таксама “падсаладзіць” сабе жыццё кавалкам чорнага хлеба, арэхамі і фасоляй. У іх змяшчаецца шмат карысных складаных вугляводаў і поліцукрыдаў, якія павольна расшчапляюцца. Ідэальна, калі вы заўсёды будзеце мець пад рукой сухафрукты. У іх шмат вітамінаў і мікраэлементаў, якія задавальняюць патрэбу арганізма ў глюкозе.

Заўсёды на талерцы

         Ешце паболей ананасаў, лімонаў, яблыкаў. Яны змяшчаюць шмат вітаміну  С, а ён актывізуе работу мозгу, і спецыяльныя рэчывы, што паляпшаюць памяць. Не адмаўляйцеся ад брусельскай капусты – яна зробіць вас больш уважлівымі. Морква ўдзельнічае ў абнаўленні клетак мозгу і дорыць вам добрую памяць.